Rheoli eich Pensiwn y Wladwriaeth

Defnyddiwch y gwasanaeth hwn i reoli eich manylion a’ch taliadau Pensiwn y Wladwriaeth:

Defnyddiwch y gwasanaeth hwn i:

• newid eich manylion banc
• newid eich rhif ffôn
• newid eich cyfeiriad e-bost
• newid pa mor aml rydym yn talu eich Pensiwn y Wladwriaeth
• newid y cyfeiriad ble rydych yn byw
• gwirio pryd y byddwch yn cael eich taliad Pensiwn y Wladwriaeth nesaf

Mae hwn yn wasanaeth newydd, byddwch yn gallu rhoi gwybod am newidiadau eraill ar-lein yn y dyfodol.

Mae’r gwasanaeth hwn hefyd ar gael yn Saesneg (English).

Cyn i chi ddechrau

Bydd angen i chi gofrestru os nad ydych wedi defnyddio’r gwasanaeth hwn o’r blaen

I gofrestru, byddwch angen:

• eich rhif Yswiriant Gwladol
• cyfeiriad e-bost
• rhif ffôn symudol

Bydd angen i chi hefyd ateb rhai cwestiynau diogelwch i gadarnhau pwy ydych chi. Mae hyn yn helpu i’ch amddiffyn rhag twyll.

Os ydych eisoes wedi cofrestru

Byddwch angen y cyfeiriad e-bost, y ffôn symudol a’r cyfrinair a ddefnyddiwyd gennych i gofrestru.

Os ydych angen dweud wrthym am newidiadau eraill

I roi gwybod am newidiadau eraill, fel newid cyfeiriad, cysylltwch â’r Gwasanaeth Pensiwn dros y ffôn neu drwy’r post.

Os ydych yn byw yng Ngogledd Iwerddon, cysylltwch â Chanolfan Bensiwn Gogledd Iwerddon dros y ffôn neu drwy’r post.